सलीम अली सरोवरात महिलेचा मृतदेह आढळला

औरंंगाबाद/प्रतिनिधी
टीव्ही सेंटर रोडवरील सलीम अली सरोवरात एका ४० वर्षीय अनोळखी महिलेचा मृतदेह गुरूवारी (दि.२२) सकाळी साडेआठ वाजेच्या सुमारास आढळून आला. अग्निशमन दलाच्या कर्मचाऱ्यांनी घटनास्थळी धाव घेवून मयत महिलेचा मृतदेह पाण्याबाहेर काढुन उत्तरीय तपासणीसाठी घाटी रूग्णालयात हलविला. मयत महिलेच्या अंगावर केशरी रंगाची साडी असून हातात बेन्टेक्सची बांगडी आहे. गळ्यात काळ्या मण्याची पोत आणि तुळशीमाळ असल्याचे पोलिसांनी सांगितले. याप्रकरणी सिटीचौक पोलिस ठाण्यात आकस्मात मृत्यूची नोंद करण्यात आली असून सायंकाळी उशिरापर्यंत मयत महिलेची ओळख पटली नसल्याचे सिटीचौक पोलिसांनी सांगितले. दरम्यान, मयत महिलेने तलावात उडी मारून आत्महत्या केली की तिचा घातपात करण्यात आला याचा तपासही पोलिस करीत आहेत.