थंडी वाढल्याने " तिबेटीयन" बाजारात उबदार कपडे खरेदीसाठी गर्दीत वाढ

औरंगाबाद / प्रतिनिधी- युवा सामना मिडीया न्युज नेटवर्क
गेल्या पाच दिवसापासून तापमान कमी-कमी होत चालल्याने शहराला  थंडीने गारठून टाकले आहे. थंडीचा जोर वाढल्याने ग्राहकांची थंडीपासून बचाव करण्यासाठी मध्यवर्ती बसस्थानकाच्या लगत असलेल्या तिबेटीयन मार्केटमध्ये उबदार कपडे खरेदी करण्यासाठी गर्दी वाढली आहे.
मध्यवर्ती बसस्थानकाच्या जवळच उबदार कपड्यांसाठी  तिबेटीयन मार्केट प्रसिद्ध  आहे. दरवर्षीप्रमाणे यंदा देखील हा बाजार सुरु आहे.काही दिवसांपासून थंडीचा कडाका वाढला  असल्याने  शहरवासी कुटूंबियांसाठी या तिबेटीयन मार्केटमध्ये  स्वेटर, कानटोपी, शाल असे विविध उबदार कपडे खरेदी करतांना  दिसून येते आहे. ऑक्टोबर महिन्याच्या 15 तारखे पासून हा तिबेटीयन बाजार सुरु असून, जानेवारीच्या 25 तारखे पर्यंत शहरात असणार आहे. जानेवारी महिन्यात थंडीचा जोर असाच कायम राहिल्यावर पुढील जनेवरीचा पूर्ण महिना तिबेटीयन बाजार शहरवासीयांना खुला असणार असल्याची अशा माहिती विक्रेत्यांनी " दै.मराठवाडा साथी "शी बोलतांना दिली.