जेष्ठ पत्रकार आरेफ देशमुख यांना युवा गौरव पुरस्कार प्रदान

औरंगाबाद, 4 ऑक्टोबर(प्रतिनिधी) मागील 23 वर्षांपासून पत्रकारिता क्षेत्रात उल्लेखनीय कामगिरी करत व बेधडक आणि निष्पक्ष निर्भिडपणे काम करणारे जेष्ठ पत्रकार आरेफ देशमुख यांना युवा गौरव पुरस्कार-2020 मान्यवरांच्या हस्ते देवून सन्मानित करण्यात आले. आज सुभेदारी विश्रामगृहात छोटेखानी कार्यक्रम घेवून सन्मानपत्र, स्मृतिचिन्ह देवून सत्कार केला. याप्रसंगी विविध क्षेत्रात उल्लेखनीय कामगिरी करणाऱ्या आठ व्यक्तिंना पण हा पुरस्कार देवून गौरव करण्यात आला. यावेळी काँग्रेसचे जेष्ठ नेते इब्राहिम पठाण, जेष्ठ पत्रकार स.सो.खंडाळकर, पत्रकारिता विद्या क्षेत्रातील प्राध्यापक डॉ. शाहीद शेख, जेष्ठ पत्रकार रफीयोद्दोन रफीक, यूवा शक्ती पत्रकार संघाचे अध्यक्ष तथा कार्यक्रमाचे आयोजक अब्दुल कय्यूम, कॉग्रेसचे जेष्ठ मोहसीन अहेमद, वाय.के.बिल्डर, शेख साबेर, समाजसेवक सुमीत पंडीत उपस्थित होते. सध्या आरेफ देशमुख डि-24 न्यूजची धुरा सांभाळत आहे. पुरस्कार मिळाल्याबद्दल त्यांचे अभिनंदन केले जात आहे.